-->

Marketing For Startups

التسويق هو اهم عنصر لنجاح أي بيزنس، وأفكار ومشاريع ممتازة في السوق بتفشل بسبب ضعف التسويق، عشان كده الكورس ده هدفه يفهمك التسويق والترويج بشكل علمي، تقدر من خلال تكوّن استراتيجية تسويق بشكل علمي تحقق بيها براند أقوي، وانتشار اكبر، وبالتالي مبيعات اكبر مع استمرارية ونجاح في السوق.

ايه ميزة الكورس ده؟


بنقدم الكورس بشكل علمي جداً، مع تطبيق عملي على كل صغيرة وكبيرة في الكورس، بحيث تقدر تحلّ مشاكلك التسويقية والاعلانية، وتعلي من نسبة نجاح منتجك او خدمتك في السوق.

بديلك خلاصة اللى أي بيزنس محتاج يعرفه في التسويق عشان يبني براند وانتشار، وده بيتم بشكل مكثف وعملي.

محتوى الكورس


1- مقدمة عن المشاريع الناشئة – Introduction: مقدمة بتشمل أسباب نجح او فشل المشاريع الناشئة والمتوسطة وحالات عملية من شركات نجحت تقدر تساعدك.

2- الاستراتيجية التسويقية – Marketing Strategy: شرح لكيفية تقسيم السوق واستهداف الشريحة المربحة واستخراج نقط التميز التنافسية و بناء موقع ذهني – Position

3- بناء البراند – Branding: شرح لطرق وفنيات البراندينج للحصول على شريحة من المستهلكين بولاء عالي جداً للمنتج واستمرارية في المبيعات والنمو.

4- التسعير – Pricing: شرح وتطبيق نموذج من 8 خطوات للتسعير الصحيح للمنتج او الخدمة.

5- كتابة المحتوى الإعلاني – Copywriting: كيفية كتاب محتوى بيعي واعلاني مقنع، بفهم تسلسل البيع – Sales Funnel، ونموذج AIDA

6- الإعلان على السوشيال ميديا – Social Media Advertising: التعرف على انجح استراتيجيات الإعلان على فيسبوك وانستجرام، وكيفية قياس النتائج و تعديلها وحل مشاكلها.

7- التسويق بأقل الميزانيات – Guerrilla Marketing: التعرف على عدد كبير من الطرق للتسويق والترويج بأقل الميزانيات المتاحة.

أهداف الكورس


بعد الكورس المفروض تكون قادر انك تعمل استراتيجية تسويقية سليمة، بشكل علمي، وبراندينج يخليك مستقر اكتر في السوق ومتطمن من النتايج حتى لو اتأخرت، وهتقدر تعالج مشاكلك التسويقية سواء بانك تكتب محتوى مقنع اكتر، او تسعّر المنتج بشكل مظبوط، كمان هيبقى معاك ترسانة ضخمة من أدوات واسلحة تسويقية وترويجية اونلاين وافلاين تقدر تستخدمها لو انت ميزانيتك صغيرة، وده عن طريق فهم وتطبيق الجوريلا ماركتينج.

محتوى الكورس بالتفصيل


1. مقدمة ونبذة عن أسباب فشل او نجاح المشروع الناشئ:

في الجزء ده بتتعرف على الأسباب الرئيسية اللى بتخلي البيزنس ينجح او يفشل مع اسرار وقصص لبعض الشركات اللى حققت نجاح كبير لما مشيت على الBest Practices لنجاح البيزنس.

2. الاستراتيجية التسويقية – Marketing Strategy:

هنا بتتعرف على مخ التسويق ونقطة قوته الرئيسية، بدون استراتيجية تسويق صحيحة، فكل مجهودتك التسويقية ومصروفات الإعلان بتضيع على الفاضي. في الاستراتيجية التسويقية بتعرف ازاي تقسّم السوق وتستهدف الشريحة المربحة و تبني الموقع الذهني – Position، لحد ماتوصل لكتابة الجملة السحرية الأهم في خطتك واستراتيجيتك التسويقية وهي جملة الصورة الذهنية الداخلية – Positioning Statement.

3. استراتيجية بناء البراند – Branding:

للأسف البراندينج هو نقطة ضعف اغلب المشاريع الناشئة، خصوصاً في عصر الDigital Marketing، واللى فيه اغلب الشركات الصغيرة بتفكر في الربح السريع، لكن بدون فهم ان تكوين البراند القوي شيء أساسي عشان يديك اطمئنان واستقرار وفهم اعمق للمستهلكين وللسوق، وبيكوّن نوعية من العملاء بتفتقدهم اغلب الشركات دلوقتي وهم الLoyal Customers اللى بيشتروا اكتر وبيدافعوا عنك ويتمنوا دايماً انك تفضل موجود في السوق، وهم القوة المحفزة الرئيسية للمبيعات المتزايدة والمستقرة.

في الجزء ده بشرح فنيات البراندينج المختلفة زي كيفية تطوير هوية البراند، وشكلها والوانها، وبناء قصة البراند ومهمتها ورؤيتها في السوق، وغيرها من الفنيات اللى بتفرق المشاريع اللى بتمشي بعشوائية والشركات اللى بتكبر على أساس براند قوي ومميز.

4. التسعير – Pricing:

جزء التسعير من الأجزاء اللى ضفتها في الكورس ده للطلب الشديد عليها. التسعير من اصعب مشاكل التسويق، وممكن سعر مظبوط يكون سبب مهم جداً في استمرار الشركة، او للأسف في انها تقفل! والتسعير عنصر مهم زيه زي الترويج والاعلان، بل ان التسعير ممكن يزوّدلك المبيعات بشكل مجاني لو اتقنته! في الجزء ده بتكلم عن موديل من 8 خطوات تقدر تستخدمه لتسعير المنتجات والخدمات بشكل صحيح، يضمنلك الحصول على الأهداف التسويقية، زي الأرباح والاستمرار في السوق.

5. كتابة المحتوى البيعي والاعلاني – Copywriting:

لو انت مش فاهم تسلسل البيع او الSales Funnel وازاي تستخدمها بشكل علمي لكتابة المحتوى، فغالباً ميزانيتك الاعلانية هتضيع على الفاضي! فهم مراحل البيع بنماذج زي الAIDA بتسمحلك ترتب افكارك ومحتواك الإعلاني، والاهم من كده بترتب حملتك الاعلانية بشكل صحيح، والجزء ده سبب رئيسي في فشل اكتر الحملات الاعلانية على السوشيال ميديا، واللى مستحيل تتصلح بس عن طريق محاولة تعديل الاستهداف او هدف الحملة الإعلانية، لان بدون تسلسل بيعي وكتابة ترويجية مقنعة ومترتبة بشكل علمي، هيكون تضييع وقت ومجهود وفلوس.

6. استراتيجيات الإعلان على السوشيال ميديا – Social Media Strategy:

الجزء ده من اهم الأجزاء في الكورس لانه بيحاول يساعدك باستراتيجيات تسويقية، عشان تحل مشاكل الإعلان، وده بيحصل عن طريق حاجتين، اولاً فهم استراتيجيات تسويقية أساسية زي معدل واهمية تكرار الإعلانات – Frequency، وبناء الSales Funnel بشكل سليم، بالإضافة لحلول وأدوات فنية من داخل الDigital Marketing.

التركيز هيكون على إعلانات فيسبوك وانستجرام، ولو انت معملتش إعلانات قبل كده فالكورس بيفيدك تفهم الإعلان على فيسبوك بشكل علمي ومرتب من الأول، ولو انت بتمارس الإعلانات الديجيتال فالجزء ده هيبقى مهم جداً عشان تتعرف على المشاكل اللى بتقابلها وتحلها بشكل علمي.

7. طرق ترويج وإعلان بأقل الميزانيات – Guerilla Marketing:

الجوريلا ماركتينج علم من الثمانينات اسسه كونراد ليفنسون، وللأسف مع الوقت اتفهم غلط، وبقى يطلق على أي حملة ذكية او Outdoor Campaign، لكن العلم ده معمول بشكل أساسي للStartups اللى بيبقى معاها ميزانيات قليلة، وبيقدم طرق وأدوات كتير جداً، مع الشرح ومع دمجها بخبرة المحاضر في الكورس هتلاقيها بتديك أدوات وبتفتح قدامك طرق اكتر بكتير عشان تعلن بذكاء وبأقل الميزانيات الممكنة.

مين المحاضر


المحاضر في الكورس هو حسام حسّان، صاحب موقع التسويق اليوم، وصاحب شركة ڤيركسام للتسويق، وصاحب 6 كتب في التسويق من ضمنهم الماركتينج بالمصري، ماركتينج من الآخر، والبيع الصعب، مع خبرة تسويق عملية في مصر، السعودية، الامارات، العراق، قطر، عمان، وفي مجالات من ضمنها العقارات، القطاع الطبي، المنتجات الاستهلاكية والتجزئة، المجالات الخدمية، ومجالات الB2B. اعرف اكتر عن المحاضر من اللينك ده

لو انا مش مدرستش تسويق قبل كده، الكورس ده هيكون advanced وصعب اني افهمه؟


بالعكس، الكورس معمول بشكل مُفصّل – tailored جداً على مقاس اللى عنده مشروع او منتج وعاوز يعملّه تسويق وترويج لكنه مش متخصص تسويق، فسواء كنت دارس تسويق او مكنتش دارس فده مش هيأثر كتير على فهمك واستيعابك للكورس، لانه – وبجانب تبسيط المعلومات عشان أي حد بخلفية تسويقية او بدون خلفية هيستوعبها بسهولة - لكن كمان التطبيق العملي اثناء الكورس وبعده هيساعدك تفهم أي مصطلحات او نظريات جديدة عليك بتتقال وقت الكورس.

وتقدر قبل ما تحضر الكورس تقرا كتاب حسام حسان الماركتينج بالمصري عشان تكون محضر كويس بالأساسيات.

لو انا دارس تسويق قبل كده، الكورس ده هيضيف لي جديد؟


الكورس ده مش كورس اكاديمي ولا نظري. الكورس معلوماته متاخده من خبرة المحاضر العملية في السوق، واكيد انت محتاج تعمل refresh كل فترة لمعلوماتك، وتتعرف على استراتيجيات وطرق جديدة للتسويق والترويج، كمان جزء الجوريلا ماركيتنج اللى في الكورس ده هيفتح قدامك طرق جديدة وأساليب مبتكرة للتسويق ممكن متكونش واخد بالك منها.

*بشكل عام للإجابة على السؤالين اللى فاتوا.. الكورس ده هيناسبك سواء انت متعرفش أي حاجة في التسويق، او تعرف كتير، لانه مليان بتفاصيل من خبرتي العملية في السوق، وبفنيات مهمة أي بيزنس لازم يفهمها ويطبقها عشان شغله يكبر، و الكورس ده مش مهتم بالمبادئ ولا بكلام نظري عن التسويق، بالتالي كل اللى هيتقال فيه مكثف وعملي وبيديك ارض صلبة تبني عليها لو انت لسه متعرفش أي حاجة في التسويق، وبيساعدك تحل مشاكل كتير عندك في حالة انك متخصص اكتر في المجال او حضرت كورسات قبل واشتغلت عملي قبل كده.

هتعلّم ديجتال ماركتينج بالتفصيل؟


الكورس مش ديجيتال ماركتينج بشكل متخصص، لكن كل جزء وتفصيلة فيه بتخدمك وانت بتشتغل ماركتينج اونلاين، الكورس هدفه يفهمك التسويق بشكل متكامل، مع شرح تفصيلي وتطبيق عملي على اهم أدوات التسويق زي كتابة المحتوى الإعلاني والتسعير.

في جزء من الكورس (حوالي 2 sessions) هدفهم تفهم الإعلان على السوشيال ميديا، لكن مش هيديك ادق التفاصيل، لكن هيقدروا يأسسوك بشكل قوي جداً في ازاي تعمل استراتيجية للترويج والاعلان على فيسبوك.

كل يوم بيحصل جديد في الديجيتال ماركتينج. الأساسيات زي خطوات عمل اعلان تقدر تتعلمها بسهولة، ولوحدك، كمان مش لازم ترتبط بيها لانها بتتغير كل شوية، لكن الأهم هو ازاي تعمل استراتيجية، ازاي تختار هدف الحملة الاعلانية، وازاي تختار الAudience الصح، ايه هي الأدوات والطرق اللى تساعدك عشان تحل مشاكلك اليومية مع نتايج الإعلان على فيسبوك، بالتالي الكورس بيركز بشكل اكبر على التسويق بشكل متكامل، وعلى ازاي تعمل اعلان فيسبوك من ناحية الاستراتيجية ووضع اهداف الإعلان وميزانيته وازاي تقدر تقيس النتايج وتحسنها باستمرار، مع اتقان لأدوات زي كتابة المحتوى وترتيبه بشكل علمي، واستخدام مبادئ التسويق زي التكرار والبراندينج، وده ميمنعش اننا بنساعدك برضه بكتير من اساسيات الإعلان، لكن هدف الكورس الأول هو فهم الاستراتيجيات وطرق نجاح الإعلان – Best Practices اللى بتساعدك تحل مشاكلك الاعلانية وتحقق اكبر النتايج الممكنة.

لو حضرت معايا قبل كده ماركتينج من الآخر، تحضر الكورس ده ولا لأ؟


كتير من المحتوى هتلاقيه متشابه، لكن كانت بتقابلني مشكلة ان شريحة كبيرة من اللى بيحضروا التدريب ناس متخصصة في التسويق، فمكنش بيناسبهم اللى بيناسب الغير متخصصين بس عندهم بيزنس، عشان كده ركزت في الكورس ده على نقط تهم اكتر اللى بيعمل بيزنس زي نقطة التسعير ونقطة الجوريلا ماركتنيج اللى بتساعدك تنتشر بأقل تكاليف ممكنة. كمان فئة المتخصصين مكنتش بتكون مهتمة بالتطبيق العملي زي اللى عنده منتج او خدمة، بالتالي الكورس ده لما هيركز على اللى عنده بيزنس ده، هنلاقي ان التطبيق العملي بقى في افضل شكل ممكن والكل متحمس انه يطبق فعلاً، وده بيزود قيمة الكورس وبيحقق هدفه.

لو انت Marketer وبتدرس التسويق عشان تتخصص مش عشان تعمل بيزنس، تحضر ولا متحضرش؟


الكورس اكيد هيفيدك، وهيفيدك التفاعل مع المحاضر وناس عندها منتجات وخبرة واحتكاك عملي بالسوق، هيفيدك اكتر التطبيق العملي اللى هتشوفه من ناس عندها منتجات فعلاً، وبتطبق التسويق عليها عملي وقت الكورس، لكن لازم تبقى عارف هدف الكورس الأول! هدف الكورس يساعدك تطبق على مشروعك، بالتالي لو انت معندكش منتج او خدمة تطبق عليهم عملي فأكيد مش هتاخد نفس استفادة اللى عنده منتج او خدمة.

ايه الهدف المفروض احققه – كصاحب بيزنس – من الكورس ده؟


هدف الكورس انك تمتلك أدوات مهمة وجديدة تساعدك على تحقيق مبيعات وارباح اكبر واستقرار في السوق، زي بناء استراتيجية تسويقية وبراندينج، وتكون فاهم التسعير والترويج والاعلان بشكل علمي، وبتكتب محتوى مقنع، وعندك اكتر من طريق للتسويق باقل الميزانيات.

الهدف العام من الكورس هو انك تبقي فاهم تسويق! وبتطبق التسويق بشكل علمي، لان ده هيختصر عليك كتير جداً من التجربة والخطأ، وقتها لو حابب تدير التسويق بنفسك لمشروعك، هتقدر تعمل ده وممكن ساعتها تزود على الكورس حاجة متقدمة شوية، ولنفترض حاجة زي دراسة التسويق عن طريق محركات البحث مثلاً – SEM، وتقدر تشرف على فريق او شخص بيديرلك التسويق وتكون فاهم كويس ازاي توجّهه وتبقى عارف هو بيشتغل صح ولا لأ، ولو اتعاقدت مع وكالة تسويق هتبقى فاهم كويس هم بيعملوا ايه وتبقى انت مسيطر على الخطة والوضع مش العكس، ولو انت معاك شريك بيدير لك التسويق فبرضه هتكون متطمن اكتر وتقدر تساعده.

الكورس ده بيديك الأرض الصلبة التي تقدر تبني عليها في أي حالة بعد كده، وبيديك اطمئنان شديد انك ماشي في الاتجاه الصح.

هل 40 ساعة كافية أكون عرفت كل حاجة في التسويق؟


انت مش هتعرف كل حاجة في التسويق في 40 ساعة! و حتى لو مدينا الكورس ل100 ساعة فبرضه مش هتكون أستاذ في التسويق وعارف كل صغيرة وكبيرة فيه، التسويق مجال ضخم جداً، وانا جمعتلك اهم حاجات انت محتاجها كصاحب بيزنس، بشكل مكثف ومرتب ومنظم جداً، ومع كتب ومقالات تقدر ترجعلها كمصادر اضافية، ومع تمارين عملية في الكورس وبين المحاضرات، فانت بكده هتقدر توصل لهدف الكورس في عدد الساعات دي.

كثافة الكورس و تصفيته بشكل عملي تقدر تتعرف عليهم من آراء بعض متدربي ماركتينج من الآخر 

ازاي هنطبّق عملي؟


في حاجات في الكورس ينفع تطبقها بعد شرحها وانت في التدريب نفسه، زي مثلاً اننا نعمل brainstorming عشان نخرج شعار ترويجي، او انك تكتب جملة الصورة الذهنية لمنتجك – Positioning Statement، وفي حاجات تانية هتحتاج تعملها بين الsessions زي التسعير مثلاً، لانك هتكون محتاج الأول تدرس المنافسين او تعمل استبيان على السوق، لكن في الحالتين انت هيكون مطلوب منك تطبق عملي كل الحاجات اللى تصلح تتطبق على منتجك او خدمتك.

ايه الماتيريال اللى باخدها في الكورس؟

-  كتاب كامل PDF معمول مخصوص للكورس بيشرح محتوى الكورس كله، مع كل التفاصيل والتمارين المطلوب تطبيقها. 

- بيكون متاح Exercises File متاح فيه كل التمارين العملية اللى محتاج تطبقها في الكورس عشان تحصل على اقصى استفادة ممكنة (بتكون مطبوعة وفي نسخة منها Soft)

- كتب المحاضر بتكون مصدر مهم ترجعله، وده ميزة كبيرة ان في تنسيق بين كتب المحاضر وشرحه والتطبيقات العملية.

- كل النماذج التسويقية – Sample/ Models - زي نماذج خطط التسويق - بتتبعتلك عشان تقدر ترجعلها وتطبق عملي بمساعدتها.

- في تسجيل صوتي للشرح تقدر ترجعله عشان لو نسيت أي جزء اثناء شرحه، او مقدرتش تيجي في يوم.

فترة وعدد ساعات الكورس


- الكورس بيكون كل سبت من 10 ل 3 لمدة 40 ساعة (8 مرات على شهرين)

استثمار الكورس


- 3500 جنيه


* تقدر تعرف اقرب معاد للكورس الجديد، والخصم المتاح حالياً على سعر الكورس، وتحجز مكانك من خلال الفورم دي


ليست هناك تعليقات:

إرسال تعليق