كورس تسويق - ماركتينج من الآخر

1
كورس ماركتينج من الآخر هو خلاصة التسويق والاعلان اللى محتاجها عشان تحقق نتايج اكبر لشغلك/ شركتك/ عميلك. بيتقدم بشكل علمي، عملي، مكثف، ومتكامل، عشان يحقق لك اكبر فايدة ممكنة.

كورس تسويق ماركتينج من الآخر

ماركتينج من الآخر
 بيركز على 4 أجزاء:-


1- الخطة التسويقية - Marketing Plan

فهم ال Marketing Process كاملة و عمل Marketing Plan بيساعدك:

- ترتب أفكارك وتنظمها، وده بيوفر عليك وقت التنفيذ.
- بتخليك تشتغل بشكل علمي وده بيساعدك تحقق نتايج اكبر.
- تقدر تقدمها ك Action Plan لعميلك او لشركتك قبل ما تبدأ التنفيذ، ده بيديك مصداقية عالية عندهم.
- الخطة التسويقية بتساعدك تحط اهدافك بدقة، وده بيساعدك انك تقيس الاهداف وتعدل في خطتك باستمرار عشان توصل لاحسن النتايج.
- متخصصين التسويق يقدروا يستغلوا الخطة دي كميزة اضافية ليهم وقت التقديم في الشركات، لان مهم عند شركات كتير انك تكون بتقدر تعمل خطة تسويق كاملة.

في الجزء ده بتتعرف على التسويق بداية من بحث السوق – Market Research وتطوير الاستراتيجية التسويقية والبرنامج التسويقي – Marketing Program (Product/ Price/ Placement/ Promotion)، و ازاي تحط مكونات وتفاصيل كل ده على الورق قبل ما تبدأ، وازاي تحط اهدافك وتعرف تقيسها - Objectives/ KPIs.

*بنساعدك في الجزء ده عشان تفهمه كويس، بخطط تسويق لشركات - Samples، مع template جاهزة تقدر تستخدمها عشان ترتب وتطور خطتك التسويقية بشكل سهل وصح.

2- الاستراتيجية التسويقية - Marketing Strategy 

الاستراتيجية التسويقية هي مخ التسويق، وللاسف ناس كتير بيشتغلوا تسويق بدون فهم لاهم جزء في التسويق، واللى بيتعلق بازاي يستهدفوا الشريحة المربحة المناسبة – Target Segment، وازاي يعرفوا مزاياهم التنافسية – Competitive Advantages ويبنوا على اساسها موقعهم الذهني - Position، وده بيخليهم ميفهموش فكرة الBranding، وازاي هتقدر تشتغل بشكل علمي سليم، لو انت مش عارف البراند بيتبني ازاي!

- جزء الSegmentation مفيد جداً لانه بيساعدك تخرج بأفكار جديدة للمنتجات والخدمات، وده مفيد وقت ما السوق يبدأ يقل ويضيق عليك، ومفيد لانه بيساعدك تعمل استراتيجية نمو مش بس ثبات في السوق.


- الDifferentiation/ Positioning مفيد لانه بيخليك فاهم انت تعرف تعمل ايه وتركز على الى بتعرف تعمله، وده بيساعدك دايماً في انك تقدم قيمة مختلفة في السوق ومتدخلش حروب اسعار خسرانة! وتقدر كمان من خلاله تطور كل ادواتك الترويجية والشعارات الترويجية – Slogans/ Taglines بشكل سهل ومظبوط.

- الاستراتيجية التسويقية مفيدة عشان تقدّم خدمة على قد عميلك، وتختار عميل على قد خدمتك! وده بيوصّل المشتري لمرحلة عالية جداً من الاشباع - Satisfaction، بتخليه يشتري منك مرات اكتر وبكميات اكبر، وبيحوله لعميل بولاء عالي – Loyal Customer، وده كله في صالح مبيعاتك وارباحك واستقرارك ونموك في السوق.

- فهم الbranding وتطبيقه صح، بيخليك تعرف تنافس في السوق بقوة، بتكتسب نوعية افضل من الزباين والعملاء، وفهمك لشخصية البراند بيساعدك جداً في شغلك الاعلاني وكتابتك للمحتوى على الsocial-media.

3- المحتوى - Copy-writing/ Content-writing


المحتوى هو تقريباً اهم حاجة في مجال الترويج والاعلان، كلمة واحدة في مكانها ممكن تحققلك مبيعات ضخمة، وكلمة غلط ممكن تهدملك البراند وتخرجك من السوق!

كتير بيعملوا اعلانات وبيلاقوا النتيجة ضعيفة، وده لان للاسف ناس كتير بتهمل فنيات اعلانية كتيرة من اهمها ترتيب المحتوى ومعدل تكرار الاعلان – Frequency وامتى يختاروا انسب وقت واي هي افضل طريقة يحطوا بيها الCall To Action اللى هتخلي المهتم بالمنتج يتحرك ويشتريه. واحنا هنا بنصلح المشكلة، مرة لما شرحنا الاستراتيجية التسويقية السليمة وازاي تعمل خطة تسويق متكاملة، ومرة هنا – في جزء كتابة المحتوى - لما بنشرح افضل طريقة عشان ترتب المحتوى الاعلاني.

النوع التاني من كتابة الcontent هو نوع بيساعدك تبني قيمة حقيقية، ومجتمع بيثق فيك و تكوّن عملاء بدرجة عالية من الولاء، وهو سبب رئيسي بيخلي شركات و Brands كتير حول العالم تبيع بسهولة و بأقل قدر ممكن من الصرف على الترويج والاعلان، والنوع ده هو التسويق بالمحتوى - Content Marketing.

واجمالاً.. فكتابة المحتوى التسويق والاعلاني يقدروا يساعدوك تعلّى من نتايج اي ترويج او اعلان، فيزودلك النتايج و عدد الزباين اللى بيشتروا، وبيحقلك ده بأقل تكاليف ممكنة.

4- الإعلان أونلاين - Online Advertising

بنبيّن في الجزء ده طرق الاعلان على القنوات الاعلانية المختلفة، زي LinkedIn/ Google Ads وميزة كل قناة وازاي تقدر تستخدمها بأفضل شكل، وبنركز على اعلانات Facebook بشكل خاص.

ناس كتير ممكن تستسهل اعلانات Facebook، لان تنفيذها بيبان سهل فعلاً، لكن تفاصيلها وعشان تحقق نتايج كبيرة منها بأقل التكاليف محتاج فهم وتحليل وخبرة كبيرة.

في الجزء ده بنوريك اهداف الاعلان – Ads Objectives وازاي تبني الشريحة المستهدفة – Ad Set، وتختار نوع الاعلان وشكله ومحتواه – Type/ Format/ Content، وده الجزء اللى بتشوف فيه قوة دمج فهمك للتسويق المتكامل والاستراتيجية التسويقية مع قوة فهمك لفنيات الاعلان الاونلاين!

في جزء كبير كمان مهم تفهمه في اعلان الFacebook وهو قايم على فكرة اعلانية بسيطة ناس كتير بتهملها، ان المشتري لازم يتعرض لكثافة اعلانية Intensity/ Frequency معينة عشان يشتري، وده بيساعدك فيه Facebook باساليب اعادة الاستهداف – Re-targeting ودي حاجة بنشرحها بالتفصيل في الكورس لانها مهمة لتحسين النتايج بشكل كبير.


**  هدف الكورس انه يخليك تفهم التسويق بشكل متكامل، وتعمل خطة تسويق متقنة بتشمل فهم وتطبيق كل ادوات وتفاصيل التسويق، وانك تكتب محتوى بشكل علمي ومقنع، وانك تعمل اعلانات قوية تعلي النتايج. اذا فهمت ده واتقنته، وطبقته صح، هحتقق نتايج كبيرة في التسويق والاعلان.

ليه تحضر ماركتينج من الآخر؟

دول 10 اسباب يخلوك تحضر معانا:-

1- المعلومات بتتقدم بشكل عملي مع خطوات وحالات عملية من الشركات و من خبرة وشغل المحاضر بتساعدك تطبق المعلومة فوراً على شغلك وتحقق بيها نتايج اكبر.

2- بيكون مع الكورس تمارين عملية تقدر تستفيد منها عشان تطبق الكورس وتحصل منه على اكبر فايدة ممكنة.

3- خبرة كبيرة في مجال التسويق وكتابة المقالات والكتب تخلينا نقدم الكورس بشكل علمي، يساعدك عند تطبيقه انك تحل مشاكلك الاعلانية اللى بتتعرضها في شغلك، وتحقق اهدافك التسويقية.

4- تصفية التدريب من اي كلام نظري او زيادة، بالتالي وقتك ومجهودك كله هيبقى في المكان الصح.

5- الكورس معاه كتاب هو ماركتينج من الآخر، وبالتالي تقدر ترجع للكتاب عشان تراجع معلوماتك، وفي نفس الوقت تقدر تفهم الكتاب اكتر وتطبق اللى فيه وقت الكورس، وده بيديك فايدة مضاعفة.

6- الكورس متكامل، بيبدأ من ازاي تعمل خطة تسويق واستراتيجية تسويقية وده بيخليك تشتغل بخلفية تسويقية وعلمية وخطوات مدروسة، تضاعف لك النتايج اللى بتحققها.

7- بتتواصل وقت الكورس مع ناس من مختلف خبرات الشغل سواء اصحاب بيزنس او بيشتغلوا في التسويق وده بيساعدك تلاقي فرص اكتر وتتعرف على المجال أفضل وتتطور فيه أسرع.

8- أكيد بتقابل مشاكل تسويقية واعلانية وقت شغلك، الكورس بيديك فرصة تتفاعل مع الحاضرين والمدرب وتحل مشاكلك عن طريق الحلول والحالات العملية والشرح اللى بيتقدم.

9- في اكتر من معاد للكورس، بيشتغل في نفس الوقت، وده بيديك مرونة في الحضور، لو مقدرتش تحضر في يوم الجمعة مثلاً تقدر تحضر يوم السبت، والعكس صحيح.

10- التسويق اليوم من اهم المواقع والصفحات اللى بتتكلم عن التسويق سواء في مصر او البلاد العربية وشهادة حضور من التسويق اليوم هتكون اضافة للي بيشتغل في مجال التسويق.

عن المحاضر:

اللى بيقدم التدريب هو حسام حسان، مؤسس موقع التسويق اليوم (فيه حوالي 400 مقالة عن التسويق)، وصاحب شركة فيركسام للتسويق، وصاحب 6 كتب في التسويق والبيع: الماركتينج بالمصري، ماركتينج من الآخر، البيع الصعب، عن التسويق، الترويج والاعلان، اقتناص وظائف التسويق.

 رأي بعض اللى حضروا الكورس

مواعيد التدريب:

مدة الكورس 25 ساعة. (5 مرات * 5 ساعات)

اختار المواعيد المناسبة ليك الجمعة أو السبت:

- الجمعة: من 10 ل 4 
- السبت: من 10 ل 3 

للاستفسار: 01033530086

*للتسجيل:

هذا التدريب داخل مصر، يُقدّم أوفلاين. برجاء ملئ بياناتك هنا وسنتواصل معك بخصوص أقرب تدريب.

اذا كنت تحتاج تدريب عملي أونلاين برجاء الدخول هنا للتعرف على التفاصيل.

التعليقات

  1. هل متاح أني أخد أجزاء معينة من الدبلومة فقط

    ردحذف

جميع الحقوق محفوظه © التسويق اليوم

تصميم الورشه