كورس ماركتينج من الآخر

بعد نجاح كورس ماركتينج من الآخر على مدار سنين، في تدريب مئات المتدربين من أصحاب الشركات، والماركتيرز، بيرجع من جديد بتطويرات إضافية، عشان يكون الكورس الأول، الشامل، والمكثف – والعملي جداً – اللى يقدر يأسس أي صاحب مشروع خاص، وأي حد بيشتغل في التسويق وعاوز يأسس نفسه بشكل سليم وعلمي.

بناء على أكتر من ١٥ سنة من الخبرة العملية في التسويق والتدريب، صممنا لك الكورس الأقوى والأشمل لو إنت بتبدأ في المجال، أو صاحب بيزنس، عشان تفهم التسويق وتقدر تمارسه بشكل عملي وعلمي سليم. 

محتوى كورس ماركتينج من الآخر

الكورس مدته ٤٠ ساعة متقسمة على ٨ أيام تدريب – على مدار شهرين – بيغطوا ٣ أجزاء رئيسية في التسويق، كل سيشن تدريب مدتها ٥ ساعات. 

1- استراتيجية التسويق والبراندينج – Marketing Strategy & Branding

الاستراتيجية هي مخ التسويق! هتعرف في الجزء ده إزاي تحلل وتفهم سوقك، وتقسّمه، وتستهدف أكتر شريحة مربحة لك. هتعرف إزاي تستخرج مزاياك التنافسية من خلال الـ Differentiation، وايه الميزة الكبيرة اللى هتترقى عشان تبقى موقعك الذهني وسط المنافسين – Positioning.

الاستراتيجية مفيدة عشان تقدم منتج أو خدمة على قد عميلك وتختار عميل على قد منتجك أو خدمتك. وده بيوصّل المشتري لمرحلة عالية جدا من الإشباع – Satisfaction.

بدون الاستراتيجية، مش هتفهم براندينج، مش هتعرف تحط أهدافك التسويقية، مش هتقدر تبني Loyal Customer يقف جنبك وقت الأزمات، مش هتعرف تطلّع أفكار منتجات وخدمات جديدة. باختصار بدون استراتيجية إنت بتضيع فلوس ووقت ومجهود في الاتجاه الغلط! 

تطبيق الاستراتيجية بيكون عن طريق تطوير المنتج أو الخدمة بشكل مناسب لشريحتك المستهدفة، وتطوير استراتيجية براندينج تخليك مختلف وسط المنافسين، وتخرجك بره حرب الأسعار! مع تطبيق المزيج التسويق المتكامل اللى من ضمنه كمان التسعير والتوزيع والترويج المتكامل.

2-إعلانات السوشيال ميديا – Social Media Advertising 

بما إن معظم البيزنس النهاردة بيستخدم منصات الاعلان الاونلاين عشان يوصل لعميله، فالتركيز في الكورس ده هيكون على فهم كل منصات السوشيال ميديا اللى تقدر تستخدمها عشان تعرّف السوق عنك، وتبيع لزبونك المستهدف، مع تطوير Media Plan متكاملة لشغلك.

المنصات دي بتشمل بشكل أساسي منصات ميتا (فيسبوك وانستجرام وواتس أب)، تيك توك، لينكد إن، وكمان راعينا وجود منصات الإعلانات المناسبة للسوق الخليجي زي سناب شات، عشان لو هتنفذ إعلاناتك خارج مصر.

خبرتنا الطويلة جدا مع الإعلانات الأونلاين واحتكاكنا بحالات عملية في مختلف القطاعات والبلاد، هتخلينا نساعدك بأفضل الأهداف والاستراتيجيات الإعلانية، وده هيختصر عليك طريق طويل في فهم أفضل الطرق والأدوات الإعلانية الأنسب لمشروعك أو عميلك.

من أهم الحاجات اللى بنساعدك بيها في جزء الإعلانات الاونلاين، هي الـ Advertising Tactics اللى من خلالها بتقدر تعرف استراتيجيات مختلفة لتطوير الإعلانات وتبني Audience بشكل مظبوط وتختار الـ Format والـ Content المناسب، وأخيرا، هتعرف ازاي تقدر تقيس كفاءة الإعلان، وتحسن من نتايجه باستمرار.

3- كتابة المحتوى التسويق والإعلاني – Content & Copywriting

محتوى الإعلان هو كلمة السر في نجاح أو فشل حملتك الاعلانية، كلمة واحدة غلط أو مش في مكانها ممكن تضيّع مجهودك وميزانية الإعلان، واستراتيجية كتابة مظبوطة وترتيب تسويقي صح ودقيق للاعلان هتخليك تستفاد بفلوسك ومجهودك الإعلاني كله، وهتقدر توصلك لأقصى نتيجة بأقل تكلفة ممكنة.

جزء كتابة المحتوى الإعلاني بيساعدك تفهم دماغ العميل، ترتب مراحل الـ Awareness ورحلة الشراء – Sales Funnel، بيديك طرق تلفت بيها نظر عميلك المُستهدف، وترفع بيها درجة اهتمامه ورغبته بالمنتج، بيعرفك إزاي تحوّل الخصائص لمزايا و Emotional Benefits، وبيعرفك ازاي تختار الـ Call-To-Action  المناسب في الوقت المناسب.

بنعرفك كمان على الـ Inbound Marketing اللى تقدر تستخدمه عشان تجمع Qualified Leads بشكل أسهل وبميزانية ترويج أقل، مع بناء فكرة الـ community اللى يخليك تبني وتحافظ على عميل بولاء عالي، ومبيعات ونمو واضح ومستقر. ودي الفكرة اللي بتعتمد عليها كل أفكار الـ Personal Branding حاليا. 

آخر حاجة بتعرفها في جزء المحتوى هو أنواع محتوى السوشيال ميديا، وإزاي تصمّم استراتيجية محتوى متنوعة مناسبة لعميلك المستهدف ومناسبة لاستراتيجية البراندينج اللي بتبنيها. وازاي تقدر تستخدم امكانيات الـ AI عشان توفر وقت ومجهود في تصميم وكتابة المحتوى.

مين هيستفيد من كورس ماركتينج من الآخر؟

١- أصحاب المشاريع الناشئة والمتوسطة – Startup/ Business Owner

لو إنت صاحب بيزنس ناشئ، صغير، أو متوسط، أو بتخطط تعمل بيزنس – فالكورس ده معمول ومتفصّل علشانك! وبيحاول يعالج معظم الـ pains اللى بتقابلك في البيزنس بتاعك، وبيعرفك على استراتيجيات تسويق بحالات عملية وخبرة من متخصصين في المجال، فنسبة الاستفادة من الكورس هتكون عالية جداً. سواء كنت بتشتغل التسويق بنفسك، أو بتدير/ بتشرف على فريق بينفذ لك التسويق.

٢- الماركتير الجديد – Entry Level Marketer

ماركتينج من الآخر بيقدملك خلاصة التسويق والإعلان بشكل عملي ومكثف، الكورس مبني على خبرة طويلة ومتصمم لأي حد عاوز يبدأ في مجال التسويق بشكل صحيح. الكورس ده متصمم عشانك لو لسه خريج وعاوز تبدأ كاريير التسويق، أو بتنقل من مجال مختلف للتسويق، أو عاوز تبدأ تسويق لعملاء في مصر أو خارج مصر. ميزة الكورس إنه بيبني عندك أساس سليم وقوي للتسويق بشكله العلمي المتكامل.

10  أسباب تخليك تحضر ماركتنج من الآخر

1- كورس شامل ومتكامل

الكورس بيقدملك وجبة دسمة جدا وغنية بكل اللى إنت محتاجه، عشان تحل مشاكل البيزنس بتاعك، أو تبني وتنفذ تسويق مظبوط لعميلك. وجمعنا كل خبرتنا عشان نقدم لك التنوع اللى موجود فى الكورس ده.

2- ترتيب طريقك وأفكارك

أي حد بيدخل المجال بيبقى متلخبط من كمية التفاصيل اللى فيه، لكن احنا بخبرة عملية بتزيد عن ١٥ سنة عملنا لك كورس منظم بيبدأ معاك من الصفر لحد ما تقدر ترتب أفكارك سواء في شغلك في التسويق او البيزنس بتاعك.

3- بيأسسك في المجال

سواء هتشرف على فريق التسويق في شركتك، أو هتسوّق بنفسك. سواء بتبدأ كاريير التسويق أو حابب تتعرف على المجال بشكل عام قبل ما تتخصص. فالكورس ده أفضل كورس يأسسك في المجال.

4- منهج علمي تطمّن معاه

المجال ده مهم تفهمه وتطبقه على أيد متخصصين، وإحنا بخبرتنا الطويلة في التسويق مع مدربين  بخبرة عملية طويلة في السوق بنقدملك كورس بمنهج علمي يخليك تاخد أي معلومة فيه وانت متطمن.

5- احنا مستشارين لك

كل بيزنس عنده مشاكله، اللى بتزيد يوم بعد يوم. عن طريق الكورس ده هتقدر تتفاعل مع مدربين متخصصين في مجالات الكورس المختلفة يساعدوك تحل مشاكل البيزنس بتاعك أو تطور من التسويق لعميلك او شركتك.

6- التطبيق على شغلك

التطبيق العملي السليم هو كلمة السر في التسويق، لإننا بنعتمد على خبرتنا العملية في المجال فبنديك الأفكار العملية اللي تقدر تطبقها في شغلك أو على البيزنس بتاعك، و نصححها معاك طول فترة الكورس وبعده.

7- فرصة عشان تكبر 

جزء مهم من قوة الكورس بتكون في التواصل مع متدربين قريبين من طريقة تفكيرك وأهدافك وعندهم نفس مشاكل البيزنس بتاعتك، وميزة التفاعل ده بيديك ثراء في التفكير وبيفتح قدامك فرص تعاون ونجاح أكبر.

8- مرونة في المواعيد

عندنا مرونة كبيرة في المواعيد سواء صباحية أو مسائية، وكمان تقدر تختار طريقة التدريب المناسبة لك سواء أونلاين أو أوفلاين، هتضمن بده انك بتاخد التدريب في الأوقات والظروف الأنسب لشغلك ووقتك.

9- كورس من الآخر

حبينا نقدم لك كورس مكثف، دسم، وفيه الخلاصة العملية اللى انت محتاجها عشان شغلك ينجح ويحقق نتايج أكبر، صفينا التدريب من أي كلمة نظري مش مفيدة، وحطينا بس المفيد العملي اللى هتحتاجه في شغلك.

10- مش مجرد كورس

بتدخل مع ماركتينج من الآخر في community قوي ومتكامل، وبتتواصل بعد الكورس باستمرار مع  network غنية بالخبرات، سواء في groups أو من خلال meetups دورية. وده بيخليك تاخد أضعاف قيمة أي كورس عادي.

كورس ماركتينج من الآخر هو كورس (لا غني عنه) لأي صاحب بيزنس، ولأي حد عاوز يبني نفسه في التسويق بشكل علمي.

كورس ماركتينج من الآخر هو خلاصة التسويق والاعلان اللى محتاجها عشان تحقق نتايج اكبر لشغلك/ شركتك/ عميلك. بيتقدم بشكل علمي، عملي، مكثف، ومتكامل، عشان يحقق لك اكبر فايدة ممكنة.

الكورس حاليا بيتقدم أونلاين وأوفلاين في مواعيد مختلفة. املي الفورم دي عشان نقدر نتواصل معاك ونساعدك في الحجز في أقرب رواند.

أو اتواصل معانا على الرقم ده للمساعدة: 01021132378